JOSEF EN MARIA – VAN NASARET NA BETLEHEM

Omdat ons nie op die Sabbat by Betlehem wou aankom nie, het ons al Sondagoggend begin. Die korste pad sou deur Samaria gewees het maar asgevolg van die vyandigheid wat tussen ons en hulle bestaan het, het ons die langpad deur die Jordaanvallei geneem.

Ek het omtrent die hele ent pad geloop en bid. Die profeet het voorspel dat die Messias in Betlehem Efrata gebore sou word. Omdat Maria moeilik met die swangerskap geloop het ek maar kort kort gevra of sy nog reg is.

“Josef”, sê sy vir my, “Die engel Gabriël het met albei van ons gepraat. Ek glo die Vader in die hemel het Sy engele gestuur om saam met ons die pad te loop.”

Vrydag het ons by die pragtige tempel verbygestap en die middag by Betlehem aangekom. Nou vir ‘n blyplekkie. Ons ken nie siel in die dorpie nie. Ek het gewonder watter inrigting God die Vader gekies het waar Sy Seun gebore sou word. As dit ‘n deftige plek is, hoe sal ons daar kan aanpas?

DAAR IS NIE AKKOMMODASIE NIE

By die eerste plek waar ons vir verblyf aanklop, het die eienaar net een kyk vir Maria gegee en toe gesê hy is vol. ek en Maria het straat op en straat af geloop maar niemand wou ons inneem nie.

Ek het net gewonder. Ons was seker nie die enigste wat die koms van die geboorte van die Messias verwag het nie? Daar was sekerlik baie priesters en ander geleerdes wat die profesie van Daniël bestudeer het.

Wag. Ek gaan by hierdie herberg hoor of daar vir ons ‘n slaapplekkie sal wees.

“Nee. Ons is vol sê die eienares van die herberg,” terwyl sy veragtend op ons neersien.

Maria het al geboorte pyne begin kry. “Josef enige plek sal doen. Ons moet nou goumaak.”

Ek bid in hart: “Here dis U kind wat gebore moet word. Onderneem vir ons asseblief tog.”

So ‘n endtjie vorentoe sien ek so ‘n vervalle ou gebou. ‘n Koei steek haar kop by die deur uit end it klink of sy na haar kalfie roep.

“Maria daar is nie plek vir ons by die mense nie. Sal ons hier by die diere intrek? Ek glo nie hulle sal ‘n probleem met ons hê nie”

Terwyl sy met altwee hande op haar maag loop, knik sy instemmend. Wat ons godsvrou.

JESUS SE GEBOORTE

Ek was by die geboorte van al my kinders by my oorlede vrou. Ek is vertroud met die mensies wat van die baarmoeder na die buitewêreld kom.

En hier staan ek by die bevalling van die Seun van God wat in die gestalte van ‘n baba in ons sondige wêreld Sy verskyning maak.

Die huil van Jesus was vir my anders want Hy het nie ‘n sondige natuur gehad nie. Dis asof Sy gehuil ‘n geheiligde huil was.

Ek staan net daar in die stal en ek huil en huil. Die oomblik is vir my te groot. Is dit hoe die Seun van God in hierdie gevaarlike wêreld moes inkom? Moes hierdie twee arm kerkmuise na die vleesgeworde God omsien?

Huil die Vader saam met hierdie ou kindtjie in Maria se arms.

ENGELE SING

En toe hoor ek die pragtigste koor sing. Ek het later die skaapwagters ons kom opsoek, verneem dit was engele wat by die geboorte van Jesus kom sing het.

Ons Heiland is nie in ‘n duur kraaminrigting gebore nie, maar ongevalle engele met hulle goue stemme het Sy geboorte kom aankondig.

DIE HERDERS

‘n Rukkie later hardloop die herders hier by ons in. Hulle sê vir ons dat die engel vir hulle gesê het dat die Christus, die Saligmaker gebore is. Hulle moes Hom gaan soek en hulle sou Hom aan twee tekens herken: in doeke toegdraai en Hy sal in ‘n stal wees.

Was dit nie bedagsaam van die engele om die herders op die nederige en armoedige wyse van Jesus se geboorte voorberei het nie?

DIE DOEKE

En nou moet ek net vir jou vertel dat toe ons uit Nasaret weg is, moes ek begrafnisdoeke vir ons koop. Dit was die gebruik wanneer jy op reis gaan, om hierdie doeke saam met jou te neem indien jy op die pad sou sterf dat hulle jou in hierdie doeke kan toedraai en begrawe.

NEDERIGE TOEGEWYDE HERDERS

Die herders vertel vir ons dat hulle daardie einste aand so na die koms van die Messias uitgesien het. Hulle het die profesieë bestudeer en geweet dat die tyd vir Sy koms baie naby was.

“Josef,” sê hulle vir my. “Jy sal dit nie glo nie. Maar skielik, skielik verskyn ‘n engel van die Here aan ons. Ons het nog nooit so ‘n helder lig in ons hele lewe gesien nie. Ons het gedink die glans gaan ons vernietig. Ons was ook nog nooit so bang in ons hele lewe nie.”

“Maar die engel sê toe vir ons om nie bang te wees nie want hy bring vir ons ‘n tyding van ontsettende groot blydskap dat Jesus so pas gebore is.”

“En Josef toe dreun die herdersvelde van die sang van ontelbare glansende engele. En weet jy wat sing hulle? Eer aan God in die hoogste hemele, vrede op aarde en in die mens ‘n welbehae.”

Hulle het hulle self vir ‘n lang ruk aan Jesus in Sy nederige grafdoeke vergaap. Ek wens jy kon hulle gesigte gesien het. Vir jare is daar vir die koms van die Saligmaker gebid, en hier staan hulle in die stal en hulle kyuk na Hom.

Na ‘n ruk het hulle hulle self verskoon en vir ons gesê dat die engel vir hulle opdrag gegee het om die goeie nuus aan almal te gaan vertel.

Volgende keer gaan ek vir julle vertel wat gebeur het toe ek Maria na die tempel toe geneem het.

Ek wil net vir jou ten slotte iets sê: Die Here laat Hom nie beperk deur eenvoudige mense soos ek en jy nie. Hy het al die geleerdes en bekwames oorgeslaan en hierdie ou skrynwerker die voorreg gegee om met die grootmaak van Jesus te help.

Michael Card
Chorus 1
How could it be this baby in my arms
Sleeping now, so peacefully
The Son of God, the angel said
How could it be
Lord I know He’s not my own
Not of my flesh, not of my bone
Still Father let this baby be
The son of my love
Chorus 2
Father show me where I fit into this plan of yours
How can a man be father to the Son of God
Lord for all my life I’ve been a simple carpenter
How can I raise a king, How can I raise a king
He looks so small, His face and hands so fair
And when He cries the sun just seems to disappear
But when He laughs it shines again
How could it be
Chorus 2